عشان لما الاقى نفسى نسيت جزء اقولها تيجى تسمعهولى ولما
اغلط تقولى :: تؤتؤتؤ ^ـــ^ فين الغنه يا حبيبى :)) وتقوم قارياها بالغنه بس اييييه
.. احلى غنه هسمعها
^ــــ^
عشان يوم ما اظبط المنبه عالفجر و يرن واقوم طافيه ،، تقوم
تقولى قوم يلا بلاش كسل الأذان هيأذن عاوزاك فى الصف الأول
عشان يوم ما الاقى نفسى كسلت ومش قادر انزل صلاة الجماعه
لانها عملتلى اكله ماقدرتش اقوم من عليه الا لما خلصته كللللله ، (اصله كان حلو اوى
وكفايه انها هى اللى عملاه تسلم ايديها يارب) .. تقوم تقولى لالالا مافيناش من صلاة
فى البيت .. يلا يا حبيبى عالمسسسجد
عشان لما شاب يحب يحلو عليها وانا مش معاها تقلبله الوش الخشب
وتوريه العين الحمرا O_o وابقى متطمن عليها اصلى سايب
راجل .. (وبعدين بينى وبينكم انا بغير جداااااااااااااااا و دمى بيفور بسرعه) .
عشان لما ارجع من الشغل الاقيها زى الملايكة قاعده على مصليتها
و ماسكه المصحف و بتخلص الورد بتاعها
عشان يوم ما اغلط و اعصى ربنا الاقيها بتقولى :: إتق الله
.
عشان فى يوم قبل النوم الاقيها داخلالى واثر الوضوء بينقط
من وشها زى حبات اللؤلؤ وبتقولى يلا نصلى ركعتين قيام سوا
^ـــ^
عشان لما ازعل منها عمرها ما هتعصى ربنا فيا ولا هتخرج سرنا
بره
عشان لما آجى اصالحا حتى لو هى اللى غلطانه ( مانا الراجل
برضه ^ـــ^) تتصالح على طول وتقولى :: يا حبيبى انا ماينفعش اصلا انى ازعل منك انت
جنتى ونارى انت رضاك من رضا ربى انت حبيبى وماليش غيرك .. انت بابى للجنه
^ـــ^
عشان لما اديها مصروف البيت تقولى تمام طيب معاك بئه جنيه
.. اقولها اشمعنه تقولى هات بس هقولك بعدييين :)) .. اقولها اتفضلى احلى جنيه لاحلى
بنوته فى جمهوريه مصر العربيه تتكسف وتقولى انا احلى واحده عشان متجوزه اجمل انسان
والاقيها خدت الجنيه و خبته
بتعمل ايه البنت ديه !!
:))
اجى بعد يومين تقولى معاك جنيه تانى .. اقولها يا حبيبى انت
تطلب اللى تطلبه
( خلوا بالكوا انا بديها مصروف ايديها ليها هى تجيب اللى
هى عايزاه غير اللى انا بجيبهولها من نفسى حاجه كده رومانسية اعمل ايه بقى اصلى بحبها
بنت الايه ديه )
المهم تقولى هات جنيه كمان .. اقولها يا حبيبى خد اللى فى
جيبى كله لو عاوزه بس سيبيلى حاجه اروح بيها الشغل
تقولى :: هههههه لا عاوزه جنيه واحد بس
اقولها مااااشى احلى جنيه اهوه .. نفس الكلام تاخده وتخبيه
..
ونقعد على كده كذا مره .. وتيجى بعد شهرين تلاته تقولى فاكر
الجنيهات اللى خدتها منك .. ااقولها اه ..
تطلعلى بطانية جديده و حلوه و آآآخر شياكه و تقولى ديه انا
جبتها من اللى بتديهونى ومن مصروفى وهندي البطانيه ديه لعم ابو احمد اللى فى وشنا اصله
غلبان اويييي وحاسه انه محتاج بطانية والشتا داخل :(( .. اقوم واخدها فى حضنى وبايسها
فى جبينها و ابوس ايديها و اقول الحمد لله على نعمة الزوجه الصالحه تقوم بايسانى فى
راسى وتقولى انا اللى بحمد ربنا انه رزقنى زوج صالح زيك
:))
عشان اجى فى يوم الاقى العشا اتأخر ..
اقولها هاااا انا جوعت أوي
:((
تقولى حبيبى حاضر والله بس معلش اصبر شويه ..
اقولها ماشى
كمان نص ساعه ، خلاص ؟
تقولى لسه معلش
كمان ساعتين تحطـلى احلى اكل
وبعد ما اكل تقولى اتسحرت ؟؟
اقولها اتسحرت
O_o
تقولى اه اصل بصراحه اخرت العشا عشان يبقى سحور اصل بكره
الخميس وعاوزاك تصوم معايا
انا القران رباني
