تداول العديد من المواقع الخبرية وصفحات التواصل الاجتماعي خبرا منسوبا إلي العالم المصري الدكتور أحمد زويل وجه في عدة انتقادات لتضارب تصريحات الجيش , وحذر الجميع من أن تصرفات الجيش الحالية سوف تودي بمصر لنكسة جديدة تطيح بالأخضر واليابس
وقال زويل نصا حسب ما روت المواقع الخبرية
في مذبحة دار الحرس الجمهوري :الجيش و الشرطة عملوا مؤتمر قالوا أن المتظاهرين كانوا مسلحين و حيقتحموا المبني فالقوات اتعاملت معاهم
-في نفس المؤتمر المتحدث العسكري قال معاد للهجوم الفجر والمتحدث باسم الشرطة قال معاد تاني 7 الصبح
-و عرضوا فيديوهات من أحداث العباسية و كان واضح فيها لبس الجيش القديم
-مع الوقت معرفوش يثبتوا أي سلاح مع المتظاهرين ، فالكلام اتغير بقى إن الإخوان قتلوا نفسهم و الإعلام اشتغل على كده
في ضرب مديرية امن شمال سيناء:
-الجيش قال ان الجهاديين ضربوها بصاروخ
-بعدين لقى الناس شظايا الصاروخ و طلع صاروخ جو ارض يطلق من الاباتشي ، و الجيش المصري يملكه
-فاتغير الكلام و بقى ان الجيش و هو بيطارد الجهاديين ضرب الصاروخ غلط و الطيار أبطل قوة التدميرية في الوقت المناسب
في الغارة الإسرائيلية على شمال سيناء :
-الجيش قال في أصوات انفجار حنمشط المنطقة و ندور على الحقيقة
-و بعدها كل الوكالات الإخبارية العالمية قالت انها غارة بطائرة بدون طيار إسرائيلي و أكد الكلام ده التليفزيون الرسمي لإسرائيل
-فاتغير الكلام تاني يوم و اتقال ان اباتشي مصرية هي اللي ضربت مجموعة من المسلحين بينصبوا صاروخ لضرب الاراضي المصرية
المفروض بقى عشان نعجب و نبقى وطنيين نعمل ايه ؟!!
نصدق اي حاجة يقولها الجيش بعد ما اتأكدنا من كذبه و اي حد عاقل حيشوف ان تسلسل الاحداث ده ملوش معنى غير الكدب !!
تفتكروا في النكسة لما الناس صدقت جيشها الكداب قوي كده في النكسة حصل ايه ؟!انتصروا يعني ؟!
كفاية بقى نعيش في دور شعب الستينات عشان حنفوق على نكسة
التعليقات : 0
إرسال تعليق
أخى الكريم تعليقاتك وارائك تهمنا جدا وتفتح للاخرين ابواب للمناقشات الهادفه والبناءة كما ان تعليقاتك تعكس مدى ثقافتك ورقيك فجعل دائما ارائك بناءة ومفيده وحاول ان تصل بها الى نتائج تفيد كل من يقراها