فى احدى الايام خرج حسام من منزله متجها الى اصدقائه ولكن
قبل الخروج قام بينه وبين والدته حديثا
الام: رايح فين يا حسام
حسام: يوووووه......موال كل يوم ، خارج مع اصحابى ،خير فى
حاجه؟
الام: يابنى حرام عليك نفسك بلاش اصحابك دول انا مش برتاح
لهم
حسام"فى سخريه": طيب.....طيب.... ربنا يشفيكى
الام"وهى تبكى": انت اتغيرت يابنى ...دى معاملتك
ليا ؟!!...فين ايام زمان ايام ماكان بيضرب بيك المثل فى الابن الصالح
حسام: قصدك ايام ماكانوا الناس بيقولوا ابن امه ولو كان بنت
كان اكرمله
الام: هو عشان كنت بتحترمنى تبقى لو بنت اكرملك؟؟!! تانى
حاجه مانت ابنى فعلا ...مالك ومال الناس يابنى؟؟
حسام: بصى بقى انتى اخرتينى ازاى سيبك بقى من دور امينه رزق
ده وهاتى فلوس
الام: فلوس ايه مانت لسه واخد مصروفك امبارح
حسام: خلص وعايز غيره ولا اروح اسرق احسن ...ولا انتى عشان
تدينى فلوس هتقعدى تزلينى بقى
الام: انا بزلك؟!!...روح يابنى ربنا يهديك
حسام:ابتدينا ... ياست خلصينى بنقول اتاخرت
الام:مفيش فلوس انا خلاص زهقت منك ومن عمايلك ارحمنى بقى
...انت ايه حس بينا بقى شويه
حسام:بيكوا!!!...مين انتوا بقى ان شاء الله
الام: انا وابوك ايه نسيتنا ولا ايه
حسام: آآآآه.... ابويه تقصدى بقالى كتير ماعرفش عنه حاجه
...الا هو لسه عايش؟؟
الام"فى غضب شديد": ربنا يخليهولى ويهديك انت بتتكلم
كده عن ابوك ازاى ..ازاى فهمنى ...انت ايه قلبك ده ايه مات؟؟
حسام: اه ...هو انا بقى قلبى مات وبالنسبه لى كمان ابويه
مات ويلا بقى عشان انا خلاص اتخنقت منك
الام:ابوك مات؟ ليه يابنى كده ليه كل الكره ده لابوك ده ابوك
بيحبك وبيخاف عليك
حسام: انتى ايه مابتحسيش؟؟...ازاى بتتكلمى عنه كده وهو سابك
واتجوز واحده تانيه وكان على طول بيضربك وبيهينك وكان سبب فى موت احمد
الام"فى حزن شديد": يابنى ده مهما كان ابوك وجوزى
تانى حاجه احمد اخوك مات عشان ده قدرة مش ابوكم السبب
حسام"وهو يبكى":لا لو مكنش ضربه مكنش مات الموته
دى
الام:ارحمنى يابنى بقى وارحم نفسك وماتقولش كده انت كده مش
راضى بقضاء ربنا
حسام:انا نازل ومش عايز منك فلوس ولا حاجه
الام"فى لهفه":حسام...حسام...استنى يابنى ...ارجع
حسام"يتحدث الى نفسه":واحشنى اوى اوى يا احمد
...فينك دلوقتى ياترى انت مبسوط؟؟..انا محتاجك اوى اوى ...محتاجك اوى يا اخويا
*وبعد بضع دقائق وصل حسام الى اصدقائه*
رامز:ايه يا مان...كل ده يابنى ده السهرة قربت تخلص
حسام:بقولك ايه سيبنى فى حالى عشان مش طالباك
حازم: بس...بس يارامز...ايه يا نانوس مامتك ...ماما منعت
منكم المصروف ولا ايه ؟؟؟
حسام: آه ...هى الليله عليا يعنى ولا ايه اتلم منك ليه
تامر: بس يابنى منك ليه قولى يا حسام جيبت الفلوس ؟؟ انت
ناسى ان عليك فلوس انت مستلف منى 1000 جنيه ولا انت بتعمل دماغك على حسابنا ولا ايه
نظامك؟
حسام:معلش يا تامر بكرة بكرة
تامر:آه....موال كل مرة لا بص بقى قدامك ساعه تروح تجيبلى
الفلوس لحسن والله مانت راجع بيتك تانى
حسام: حازم..رامز ماتكلمه يابنى ولا تفهمه حاجه
حازم: وانا مالى مش انت اللى جيبته لنفسك
حسام: رامز طب اتكلم انت ولا حاجه
رامز: بس يابنى هتضيعوا الدماغ اللى اناعاملها منكوا لله
تامر: قصر بقى وروح جيب الفلوس وترجع بعد ساعه ولو فكرت تستخبى
انت عارفنى هجيبك هجيبك
حسام: حاضر حاضر ....بس دى مش رجوله منك على فكرة
تامر"فى سخريه": مين اللى بيتكلم عن الرجوله
....طب امشى بقى من هنا بدل ماتضرب
حسام "فى حيرة شديده": اعمل ايه؟ اجيبلوا فلوس
منين ده دلوقتى؟
*وفجأه ياتى لحسام فكرة من افكار شوشو اللعين *
حسام: وفيها ايه لما اخد من ورا ماما ....اه فكرة برضوا هى
كمان زمانها نامت من بدرى ...هروح اخد الفلوس انا عارف مكانها فين ....يعنى هى هتعمل
ايه بالفلوس دى اصلا ....يا افكارك الجامده يا واد يا حسام
*ذهب حسام الى منزله وهو يسير ببطئ شدييد حتى لا تشعر به
امه ....دخل غرفتها واخذ النقود بالفعل ولكن...استيقظت الام *
الام: بتتعمل ايه عندك يا حسام
حسام"فى ارتباك شديد" : ولا حاجه انتى ايه اللى
صحاكى دلوقتى؟
الام: مخبى ايه ورا ظهرك ؟
حسام: ولا حاجه ولا حاجه
الام: ورينى كده....يانهارك المهبب بتسرقنى يا حسام ؟دى اخرتها؟....هات
الفلوس دى بقولك هاتها
حسام: بقولك ايه ابعدى عن طريقى دلوقتى لو مابعدتيش هقتلك
الام: تقتلنى يا حسام ....اقتلنى على الاقل الموت ارحم من
انى اشوفك حرامى وفى السجن ولا مع الشمامين اصحابك اللى بتمشى معاهم...هات الفلوس بقولك
حسام:يوووووووووه...ابعدى عنى بقولك
*وضرب والدته ضربه قاسيه جعلتها تسقط على الارض فاقده للوعى
ولكن حسام ظن انها توفت فهرب سريعا ولا يعلم ماذا يفعل*
حسام"يحدث نفسه": انا ايه اللى انا عملته ده؟
....قتلت امى طب هعيش لمين ؟؟؟ انا اه عاملتها وحش بس برضه هى تستاهل مانا قلتلها تبعد
عنى وماسمعتش الكلام...انا ماغلطتش خالص
*اخذ حسام يجرى وكان وحده فى الطريق ولكنه فجأه سمع صوت ينادى
عليه ....وقف حسام واخذ ينظر خلفه لكى يرى من الذى ينادى عليه ولكنه لم يجد احد
...فاستكمل السير حتى يصل لاصدقائه ...ولكن ذلك الهاتف الذى ينادى عليه قام بالنداء
مرة اخرى...
حسام::مين بينادى ؟؟؟...بقولكوا ايه بصوا بطلوا الهزار الرخم
بتاعكوا ده
انا جيبت الفلوس خلاص
الهاتف: انت تقصد مين ؟؟؟ انت عارف انا مين ؟
حسام: انتوا اكيد العيال اصحابى
الهاتف: وهما دول اصحاب ؟
حسام: آه وبحبهم وبيحبونى
الهاتف: هصدقك انك بتحبهم بس تفتكر هما بيحبوك؟
حسام: اه بيحبونى انا عارف
الهاتف: آه بامارة انهم عايزين يقتلوك مش كده؟
حسام::انت مين؟؟ وعرفت منين؟
الهاتف: انا واحد انت قتلته بس شكلك اتعودت على القتل وقتلت
امك كمان
ازاى عملت كده ...دى امك؟!!
حسام: قتلتك !!!!...انا ماقتلتش حد ...انت عرفت منين انى
قتلت امى ؟؟؟؟؟.....انت مين فهمنى
الهاتف :: عايز تفهم؟؟
حسام ::ياريت
الهاتف:: طيب تعالى معايا الاول وامشى زى ماهقولك وبعدين
اقولك انا مين
حسام: على فين؟
الهاتف: اسمع الكلام وبس
*ذهب حسام ووجد اصدقائه فى السياره ولكن....ماهذا ؟؟؟انها
حادثه غير معقوله؟؟!!...لقد توفوا جميعهم*
الهاتف: مش دول اصحابك اللى انت قتلت امك عشان تديهم الفلوس
؟
حسام"فى خوف وقلق شديد": اه...هما...هما
الهاتف شوفت ماتوا على ايه ؟....... على شرب خمور وحاجات
تخليهعم يغيبوا عن وعيهم .......كنت تحب تكون معاهم؟ مش انت بتحبهم؟
حسام" وهو يبكى": لا.....لا........لا ......انا
ازاى عملت اللى عملته ؟ ازاى؟
الهاتف: عملت ايه؟
حسام: قتلت امى .......آه......آه انا تعبان تعبان اوى اوى
الهاتف: هو انت قتلتها لوحدها انت قتلتنى انا كمان
حسام : ارحمنى بقى انت كمان انا ماقتلتش حد غير امى
......انت مين ؟؟
الهاتف : تعالى معايا انا هقولك
حسام: على فين تانى
الهاتف: تعالى بس
*بعد دقائق قليله*
حسام"فى دهشه وفرحه": ايه ده محمود ؟ ياااااااااه
انت واحشنى اوى اوى ايه ده انت ايه اللى منزلك دلوقتى ؟
محمود"فى حزن شديد وابتسامه حزينه": ازيك يا حسام
ايه يابنى انت نسيت الفجر خلاص هياذن .....انت شكلك نسيت مانت مابقتش تصلى ولا الفجر
ولا اى صلاه تانيه
حسام::آه الفجر ....انا فعلا نسيت
*الله اكبــــــــــــبر.......الله اكبــــــــــر.....*
محمود: معلش انا هروح اصلى ...ايه مش ناوى تيجى معايا تصلى؟
حسام: اجى؟......تفتكر ينفع؟
محمود: وليه لا اكيد ينفع يلا يا صاحبى تعالى معايا زى زمان
حسام: زمان كان معانا احمد .....فاكر؟
محمود: ومين قالك انه مش معانا ؟ احمد معانا بروحه وعتارف
عنا كل حاجه
....فاكر عمرنا ماكنا بنفوت فرض فى المسجد؟
حسام: ياااااااااه......كانت ايام حلوة
محمود: تعالى يا صاحبى تعالى معايا
حسام"بعد ما دخل المسجد": انا كان معايا حد فى
حد جابنى لهنا ماشوفتهوش؟
محمود: انا لما شوفتك كنت لوحدك ....قوم قوم يا راجل اتوضا
يلا
حسام: انا فى واحد جبنى هنا انا متاكد
محمود: تلاقيه دخل يصلى ولا حاجه
حسام: يمكن ....او يمكن اتجننت
محمود : بعد الشر عليك يا اخويا وحبيبى يلا بينا الاقامه
هتبدا
*حسام تنفجر عيناه بالدموع وهو فى الصلاه وتنتهى الصلاه وهو
مازال يبكى*
محمود"وعيناه مليئه بالدموع حزن على صديقه": مالك
يا صاحبى ...ماللك يا خويا؟
حسام: انا تعبان تعبااان.....انا قتلت امى يا محمود قتلتلها
محمود: ايه؟؟؟؟........انت اكيد بتهزر مش كده؟
حسام: هحكيلك اللى حصل
*قص عليه كل الاحداث*
محمود: يلا بينا
حسام :على فين؟
محمود:على بيتكوا نطمن على والدتك
*ذهبا معا ودخلا المنزل ووجدا الام ساقطه على الارض *
حسام: امى .....امى ...ردى عليا انا اسف انا خلاص رجعت زى
زمان صدقينى انا اتغيرت يا امى انا اسف سامحينى يا امى سامحينى ارجوكى قومى وردى عليا
اتحركى ارجوكى انا محتاجلك اوى اوى انا اسف سامحينى ارجوكى فوقى فوقى يا امى
*احتضن امه وهو غارق فى دموعه*
*الام تتحرك وتلمس يديه "
حسام: انتى عايشه؟....انتى عايشه؟؟
الام"فى صوت خافت": الحمد لله ربنا رجعلى ابنى
تانى الحمد لله
حسام : سامحينى سامحينى يا امى
الام: مسمحاك يابنى
محمود: الف سلامه عليكى يا امى
الام: محمود ....ايوه كده خليك مع حسام ماتسيبهوش تانى يابنى
حسام: بس فى حاجه غريبه .....انا فى واحد ودانى لمحمود وسابنى
هناك معاه ولحد دلوقتى مش عارف هو مين
الام: اهدى يا حسام ....ونام وهتبقى كويس
الهاتف: شكرا يا حسام
حسام"لامه ولمحمود": اهوه اهوه صوته مش قولتلكوا
حسام: شكرا على ايه؟
الهاتف : انت بعد ماقتلتنى حيتنى من تانى
حسام: ده انت اللى حيتنى انا كنت شبه ميت ...كمان خلاص قلبى
مات وانت رجعته تانى...بس انت مين؟
الهاتف: انا؟؟..... كل ده وماعرفتش انا مين انا ضميرك اللى
انت قتلته بايدك وعملت اللى عملته بس انا قاومت وقلت ياما افوقك ياما افضل ميت احسن
تمت
التعليقات : 2
قصة فى منتهى الروعه
قصه جميله لكن طويله لكى تزيدى عدد معجبيكى يجب ان تختصرى قصصك وتوضحى المغزى
إرسال تعليق
أخى الكريم تعليقاتك وارائك تهمنا جدا وتفتح للاخرين ابواب للمناقشات الهادفه والبناءة كما ان تعليقاتك تعكس مدى ثقافتك ورقيك فجعل دائما ارائك بناءة ومفيده وحاول ان تصل بها الى نتائج تفيد كل من يقراها